00:00
Ρασία σκίζω κι έρχουμαι, αρνί μ’ ας σο χατίρι σ’,
εσέν που έχ’ τη σκύλ’ ο γιόν, κι ξέρ’ το μεκατίρι1 σ’.
Αρνί μ’, τον τόπον ντο πατείς, την πόδα σ’ εγνωρίζω·
γομούται παρχαρί νερόν, κλίσκουμαι κα και πίνω.
Τ’ αρνί μ’ επαρεξέγκε2 με ους τα δύο λιθάρια,
τα δάκροπα3 ’τ’ς εξύουσαν άμον μαργαριτάρια.
Εσύ είσαι τ’ εμόν άγγελον, εσύ χαρεντερείς4 με·
αν εμπορείς, πουλόπο μου, το ψόπο σ’ πα να δί’ς με.
1το μεκατίρι: αξία (από το αραβ. mekanet: αξία, κοινωνική σειρά)
2επαρεξέγκε με: αόρ. του ρ. παρεβγάλλω: ξεπροβοδίζω, κατευοδώνω
3δάκροπα: δάκρυα
4χαρεντερίζω: χαροποιώ
Ηχογραφήθηκε σε στούντιο το 1966. Κυκλοφόρησε σε δίσκο 45 στροφών (Fidelity 7399, 1966), σε επιμέλεια Δόμνας Σαμίου (Δισκογραφία 45 στροφών). Επανακυκλοφόρησε στη συλλογή Μουσικό οδοιπορικό 1959-1969 (Universal Music, 2008), που την έκδοσή της επιμελήθηκε ο Γιώργος Τσάμπρας.
Τραγούδι
Λύρα Πόντου
