00:00
Εκκλησιαστικός ύμνος
Ο Διάκονος ή ο Ιερεύς: Την Θεοτόκον και Μητέρα του Φωτός
εν ύμνοις τιμώντες μεγαλύνομεν.
Ωδή θ’. Ήχος β’. Ο Ειρμός.
Ψυχαίς καθαραίς, και αρρυπώτοις χείλεσι, δεύτε μεγαλύνωμεν την ακηλίδωτον, και υπέραγνον Μητέρα του Εμμανουήλ, δι’ αυτής τω εξ αυτής, προσφέροντες πρεσβείαν τεχθέντι· φείσαι των ψυχών ημών, Χριστέ ο Θεός, και σώσον ημάς.
Τα τροπάρια
Στίχ. Δόξα Σοι ο Θεός ημών, δόξα Σοι.
Αγνώμων φανείς, και πονηρός ζηλότυπος, δώρον αξιόθεον λογοπραγεί, δι’ ου οφειλέσιον ελύθη αμαρτημάτων, καπηλεύων ο δεινός, Ιούδας την φιλόθεον χάριν· Φείσαι των ψυχών ημών, Χριστέ ο Θεός, και σώσον ημάς.
Στίχ. Δόξα Σοι ο Θεός ημών, δόξα Σοι.
Λέγει πορευθείς, τοις παρανόμοις άρχουσι· τι μοι δούναι θέλετε, καγώ Χριστόν υμίν, τον ζητούμενον, τοις θέλουσι παραδώσω; Οικειότητα Χριστού, Ιούδας αντωσάμενος χρυσού. Φείσαι των ψυχών ημών, Χριστέ ο Θεός, και σώσον ημάς.
Δόξα Πατρί και Υιώ και Αγίω Πνεύματι.
Και νυν και αεί και εις τους αιώνας των αιώνων. Αμήν.
Ω πηρωτικής, φιλαργυρίας άσπονδε! Λήθης όθεν έτυχες, ότι ψυχής, ουδ’ ος ισοστάσιος ο Κόσμος, ως εδιδάχθης· απογνώσει γαρ σαυτόν, εβρόχισας ανάψας προδότα. Φείσαι των ψυχών ημών, Χριστέ ο Θεός, και σώσον ημάς.
Η Καταβασία
Ψυχαίς καθαραίς, και αρρυπώτοις χείλεσι, δεύτε μεγαλύνωμεν την ακηλίδωτον, και υπέραγνον Μητέρα του Εμμανουήλ, δι’ αυτής τω εξ αυτής, προσφέροντες πρεσβείαν τεχθέντι· Φείσαι των ψυχών ημών, Χριστέ ο Θεός, και σώσον ημάς.
Ηχογραφήθηκε σε στούντιο το 2002.
Πρωτοψάλτης
