Ακρίτας πάει και σο κυνήγ’

Ο θάνατος του Διγενή
00:00

Στίχοι

Ακρίτας πάει και σο κυνήγ’ και σα κυνηγοτόπεα,
τον Χάρον ατ’ επάντεσεν άπαν’ σο σταυροδρόμιν.
– Χάρε μ’, ντό έχ’ς και με τ’ εμέν και πάντα ν-ακ’λουθάς με;
Εμέν Ακρίτα λέγ’νε με, αϊλί και σον Ακρίταν.
– Για σους,1 για σους Ακρίτα μου, βαρέα μην καυχάσαι,
παρ’ έλα ν-ας παλεύγομεν πάν’ σ’ ασημένι’ αλώνι.
– Αν ίσως και νικώ σε ‘γώ, θα παίρω και το μαύρο σ’,
αν ίσως και νικάς με ‘συ, έπαρ’ την ψη2 μ’ και δέβα.
Εσκώθεσαν και πάλεψαν και νίκεσεν ο Χάρον.
Ακρίτας εκαβάλκεψεν, σην κάλην ατ’ επήεν.
– Έβγα, καλή μ’, και στρώσον με θανατικόν κρεβάτιν,
θέσον μ’ άνθεα σην κεφαλήν και παρχαρί3 τσιτσέκια.4  


1για σους: σώπασε! μη μιλάς!
2ψη: ψυχή
3παρχάριν: χλοερός βοσκότοπος
4τσιτσέκιν: άνθος, τουρκ. çiçek

Προέλευση: Πόντος
Ταξινόμηση: Ακριτικό
Ρυθμός: 9σημος
Χορός: Ομάλ
Διάρκεια: 03:45

Πληροφορίες καταγραφής

Ηχογραφήθηκε σε στούντιο, στις 01/11/2004.

Συντελεστές

Δείτε επίσης